"USBD" vervang deur Kampussekuriteit
Sedert 2012 het Fasiliteitsbestuur se sekuriteitsafdeling ʼn beeldverandering ondergaan wat Kampussekuriteit meer sigbaar en herkenbaar laat. Saam met hierdie verandering het die nuwe naam Kampussekuriteit die ou naam "USBD of Beskermingsdienste" vervang.
Die US-sekuriteitsafdeling sal voortaan dus slegs as Kampussekuriteit bekend staan. Hierdie eenvoudige, sinvolle naam is selfverklarend en word ondersteun deur internasionale norme, deurdat dit deur al hoe meer universiteite wêreldwyd gebruik word.
Kampussekuriteit is in die proses om plakate, webwerwe en dokumente te verander. Almal word gevra om voortaan die nuwe naam te gebruik aangesien die ou naam vir nuwe studente en eksterne partye van geen waarde is nie.
Die rapporteringsnommer vir FB en Kampussekuriteit is 021 808 4666 en die noodnommer in geval van werklike nood is 021 808 2333.
